|[?لعنبوا من طلعك من بيت ابوك?]|

سـ šάяάђ ـآًَِره · 06-04-2008, 12:54 PM

لعنبوا من طلعك من بيـت ابـوك
استـرح بالبيـت كافينـا وجــع ..

كانها الكشخات والموضـة حـدْوك
عندك امك . . . طلعتك ملها سنع!! ..

ورد دش السوق وخلق الله شكوك
انهبلـت وقلـت والله و (السبـع) ..

أستريحـي لايهـمّـك مــااذوك
القمـر كـل (ن) يشوفـه لاطلـع ..

لـو تجـرّوا باللقافـه كلـمـوك
قولـي ان المسألـه فيهـا شـرع ..

ولو خواتـك يالخشـف ماطلعـوك
كان قلبي مـن جمالـك ماخضـع ..

ليتهـم يافتنـة الطرقـي نـهـوك
عن طلوع(ن) فجّـر بسـدّي نبـع ..

صار شي(ن) اشبه بغزوة تبـوك!!
انخذل به قـوم وانتصـروا ربـع ..

اشهد ان بمشيتـك ثقـل الملـوك
والحرس قدّام تـردع مـن طمـع ..

سامـح الله يـوم اهلـك دلعـوك
وسامح السوّاق (شوفير) الدلـع!! ..

ماطرالي غير اركـب ب( البيـوك)
لو زعلت وقلـت: ابعـد يـاورع!! ..

طق عرقي والغنج عطـر السلـوك
حسبي الله طـار قلبـي وانقطـع ..

الزهـر ماخالطـه تعتيـم شـوك
خدّهـا البـرّاق بعيونـي لـمـع ..

من ورى المنديل مبسمها ضحـوك
الهـداوه فيـه وانـواع القمـع!! ..

في زمن لو تشكي لربعـك بكـوك
ولو نخيت اللي على بالـي جـزع ؟..

أستويت وصرت في حالـي الـوك
كني الطفل (البليد) (المستمـع)؟؟

وش ذبحنا غيـر ذولا وغيـر ذوك
مـن زمـان الجاهليـة والـبـدع ..

أسمحي لي كلمة(ن) لاهـان فـوك
العسل من ذاق طعمـه ماشبـع!! ..

بالجريمه متّهـم وانـت عتقـوك
فـي تمـام السابعـة الا ربــع ..

يسعد ام(ن) جابتك يسعـد ابـوك
اشهد انه ماخذ امك مـن ولـع!!

راقت لي ونقلتها

&!!مس كيوت!!& · 06-04-2008, 03:23 PM

سامـح الله يـوم اهلـك دلعـوك
وسامح السوّاق (شوفير) الدلـع!! ..

خخخخخخخخخخخ اعجبتني هذي مررره ^_*

تسلم انااااملك ع النقل الراااااااااائع

دمت متألقهـ

ღ♥ღ jgjC ღ♥ღ · 06-04-2008, 06:12 PM

صح لسان شاعرها
ولاهنتي ساره ع الأختيار الرائع
الله يعطيك العافيه

لكيـ تقديريـ

سـ šάяάђ ـآًَِره · 06-04-2008, 11:33 PM

كيوووته

شاكره لك طلتك العطره

لاخلا ولاعدم

دمتي بحب

سـ šάяάђ ـآًَِره · 06-04-2008, 11:35 PM

عزوز

شاكره لك طلتك العطره

لاخلا ولاعدم

دمت بحب

GaLa乂y · 06-05-2008, 11:29 AM

ليتهـم يافتنـة الطرقـي نـهـوك
عن طلوع(ن) فجّـر بسـدّي نبـع ..

صار شي(ن) اشبه بغزوة تبـوك!!
انخذل به قـوم وانتصـروا ربـع ..

اشهد ان بمشيتـك ثقـل الملـوك
والحرس قدّام تـردع مـن طمـع ..

صح لسان شاعرها ويسلمو ساره على الأختيار

الراقي ..

تحياتي لك

|[?لعنبوا من طلعك من بيت ابوك?]|

كوفي نبض المشاعر