\\::جالكســي من قدك المايكـ بيدكـ ::\\

كيفكم حبايب قلبي اليوم أنشاء الله كويسيييين

البارح دق علي صديقي ليوناردو ديفينشي وصرفته بصراحه لأني ماكنت رايق ..

يقول الشباب كلهم يحترونك .. سقراط وأنيشتاين أبا التفاح كبير الموسوسين ..

وداروين المهوي .. أبا القروود .. يعني كل شلة الأنس .. وأنا ماكنت فاضي

كنت جالس أكتب أخر نظريه لي >>>>>> نصاب بعينك أنت وياه لاتعقرون

أصلاً هم ليه يتلزقون فيني هالشله لأن نظريتي الجديده بتكسر الدنيا وبتخلي

العالم ينساهم ولا يعرفون غير جالاكسي .. طبعاً بقول لكم نظريتي بس أمانه

لاحد يسرقها لأني مابعد أسجلها في مركز العلوم والأبحاث الدولي

النظريه تقول : إذا إلتف وجهك أمام المدرس إلى يسارك بسرعة الضوء

فتأكد أن مدرسك أشول .. يعني الكف الي جاك بيسار المدرس ويمشي مليون

أس أثنين >>>>>>>>>>> yes

هذا مع الأخذ بالعلم مقدار الجاذبيه الأرضيه في الفصل ..

والي مايبي يجرب هالنظريه يصير محترم ويحل واجباته ولا يتميلح عند المدرس

أو المدرسه خصوصاً إذا كانو عصبيين ..

حبايب قلبي من السهل على أي أنسان أنه يطلع نظرريه مو شرط أنها تصير

مشهوره عالمياً مثل نظرياتي أنا والشله الي علمتكم عنهم بس أنتو حاولو

صدقوني بتنجحون .. خذو عندكم نظريتي الثانيه :

عندما يكون صوت الشوكه والسكين في الصحن الزجاجي مزعج فتأكد أن

الي ياكل مطفوق ههههههههههههه وهذي النظريه مهمه جداً

أنا ماراح أقول كل نظرياتي عشان ماتنسرق وبكتفي بنظريه أخيره لأني أحبكم

وأنتو ناس تستاهلون .. النظريه الثالثه تقول :

عندما يهجر العطر الزهره فتأكدو أنه وجد أشواكها أكثر حلم وحنيه عليه من

أوراقها !!!!

هنا سأقول أن القدر أحياناً يرمي من يمتلكون الحس المرهف والمشاعر الرقيقه

أحياناً في طريق من لايقدر ولا يستشعر هذه الروعه .. فتجد هؤلاء الأشخاص

يبادلون الرقه بالبلاده والجلافه ظناً منهم أنهم يفعلون الصواب !!!

هنا أتوقف وأقول لاتجعلون الأشواك هي الحلم والحنيه على من أحببتم وأنتم

لاتشعرون فقد يهجر العطر أوراقكم بلا عوده عندها لاينفع البكااء ..

ودمتم كما تحبون