ليـش يالإماراتين .. ليــش ؟!

ذبحني هواهم · 04-20-2008, 03:34 PM

مرحبآآ

شحالكم ؟.. شخباركم؟..
عساكم بخير وسهاله !!

اليوم حبيت اطرح قضيه بنسبه لي وااايد مهمه

انا ومعظم الاهل لاحظوا ان الإماراتين هالفتره فالبلاد مول مو شي

يعني الوافد الحين له الحق بكل شي اكثر عن المواطن !!

يعني لو صار شي بين الوافد والمواطن يظهرون المواطن هو الغلطان ويخلونه يستسمح من الوافد

بدون لا يعارفون منو الغلطان .. ليش وين حقوق المواطنين ؟!

بقلكم مثال :

هذيك المره واحد اجنبي يالس يلعوز بابا وكل شوي يوقف فـ نص الشارع بس جي بابا ديمله كمن مره بس ماشي فايده اتجاوزه عسب يسير تم الاجنبي يلحق بابا ويلعوزه آخر شي بابا حرج وقف ونزل للأجنبي وتم يرمسه .. ليش نحن وين عايشين فـ اوربا ؟!
لا ويوم بابا سار واشتكى وخذى رقم سياره الاجنبي ظهروا بابا الغلطان اتخيلوا الشرطي قال حق بابا لاتحط راسك براس الوافدين ترى يرومون يشتكون عليك ويرفعون عليك قضيه
بابا حرج وقال وين حقنا حق المواطنين
اتخيلوا الشرطي يقول اي حق الله يخليك الحين الاماراتي صار ولا شي فهاي البلاد الحين كل شي الوافدين بالذات الأجانب

ليش نخلي الأجانب الي يتحكمون فينا ؟!

ليش نسكت عنهم ونتعامل وياهم احسن معامله وهم العكس ؟!

اتخيلوا الوافدين وبالذات الاجانب اكثر عن المواطنين فالبلاد

ليـــــش ؟!

يتقولون يعمرون البلاد ويطورونها !!

ليش هب نحن الي نعمر البلاد ونطورها بإيدنا ؟!

ليش نحن معتمدين عـ الاجانب والوافدين ؟!

اتخيلوا امسات انا سايره ويا عمتي المول تقريبا الساعه 10 الا ربع الصبح

تحديدا كنا فـ مول الإمارات الي فـ دبي اتخيلوا كله كانوا اجانب مافي حد مواطن / مواطنه

مافي حد لابس كندوره وعباه شكينا فـ عمارنا احس الكل كان يطالعنا

عمتي قالتلي : اويه غيوورة نحن فـ امريكا ولا فـ المول ؟!!

انتوا بس اتخيلوا

والله انا انقهــــــرت

لا وبعد الوافدين معاشاتهم اكثر عن المواطنين

وهم فبلادهم مايساوون شي ولا يكونون خريجين سجون

بس الفكره الي كنت بوصلها لكم

ان المواطن هالفتره تارك كل شي للوافد وبالذات الأجنبي

فخلنا نحاول نحن نكون كل شي فالبلاد ونحن الي نعمر البلاد

وبــــس

السموحه عـ الاطاله

منقول

GaLa乂y · 04-21-2008, 12:25 AM

عندنا وعندكم خير ذبحني غلاهم

هذي مشكله عمّت على الخليج كله عن بكرة أبيه

السعوديه تعاني الكويت كذلك البحرين قطر الأمارات أقل دوله هي عمان

لأنهم بصراحه يحبون الشغل تحصلين العماني يشتغل في أي شغله

والمثل يقول من أمن العقوبه أساء الأدب !!!!

وهذا اللي صاير في الخليج الأجنبي يسوي مصيبه تاخذه الحكومه وتسجنه

وتطبطب عليه وتعطيه تذكره وتسفره على حسابها يروح يزور جوازه ويرجع

وكأنه ماصار شي

الله يعطيك العفيه تحياتي لك

بنت زايد · 04-24-2008, 12:12 AM

عفوا الغاليه

انا من الامارات ونحن عندنا في العين كلهم قبايل ماشي وايد وافدين

العين لو حد تبطر علينا من الوافدين ولا غيرهم يوقفوهم عند حدهم ولو

ابوي مكان ابوي بينزل وبيمرغه بالعصا ..ويخسي الشرطي يقوله شرات

الرمسه لي قالها لابوج .. لان هالشرطي اظاهر انه وافد ومن يومين ماخذ

الجواز ..

نحن عندنا العكس انا اخلافج الراي كل شي للمواطن ..

انتي ترمسين عن المولات بشكل عام .. انا لو ادخلج في التفاصيل

بتلاحظين ان المواطن عندنا ماخذ حقه وزايده.. ومواطن دولت الامارات

بالذات ماخذ حقه ..

اختي نحن عندنا وافد ما يروم يرفع صوته ولا يرد ولا يتحرش ع المواطن لان

نوقفه عند حده ويعرف اهو يرمس ويا منو ..

الوافد اذا سوى مشاكل ينذرونه ما اصطلب يسفرونه .. على اي اساس

الشرطي يقول لابوج هالكلام ؟؟..

سوري الغاليه انا لو تطرقت لامور وايده بتلاحظين انج غلطانه في هالموضوع ّ..

في دولتنا بالذات كل شي للمواطنين .. صح مليون الف وافد في البلاد ..

في دبي وفي بوظبي ملتقى شعوب العالم ..

بس من هالامور ما ترومين تحكمين ان دولتنا ما تنصف وان المواطنين هب ماخذين حقهم ..

انا عن نفسي مرتاحه لسياستنا ومرتاحه لكل القرارات لي يتخذونها الحينه ع المواطنين وحقوقهم ..

واحب اعطيج Examples يا الغاليه ولاحظي فيه ان الدوله يالسه تميز المواطنين عن وافدين البلاد وعلى كثرتهم ما تعطيهم حقيه ..

الوافد يسوي ضمان الصحي بس المواطن ما يسوي في الخاري الكل يسووي ..

معاش التقاعد للمواطنين فقط .. بس في الخاري الكل لهم معاش تقاعد ..

يوم مواطن يسوي مخالفه مروريه سجنه يكون اسبوع بس الوافد شهر .. وبعضهم يسفرونهم بدون تفاهم ..

المواطن مستقبله مضمون في بلادي اما الوافد هب مضمون ..

الجامعه ما يدخلون الوافدين .. الا اللي اييب نسبه 99 او 98 .. غير الواسطه .. اما المواطن اذا ياب 70 يدش الجامعه ..

ما يكتبون للوافد ملكية السياره باسمه لازم باسم مواطن..

اسم المواطن عندنا في البلاد قبل اسم الوافد ...والكل يعرف هالشي ..

اعتقد انج يا عزيزتي ما تعرفين امور وايده وحكمتي ع البلاد من مضمون واحد ..

ردي الغاليه وعيدي النظر .. ترى كثره الوافدين ما تعني علوهم ع المواطنين ..

بـــــنــــــت دار زايـــــــــد ولـــــــــــي الــــــــفـــــــــخــــــــر

بنت زايد · 04-24-2008, 12:19 AM

اقتباس:

المشاركة الأصلية كتبت بواسطة GaLa乂y

عندنا وعندكم خير ذبحني غلاهم

هذي مشكله عمّت على الخليج كله عن بكرة أبيه

السعوديه تعاني الكويت كذلك البحرين قطر الأمارات أقل دوله هي عمان

لأنهم بصراحه يحبون الشغل تحصلين العماني يشتغل في أي شغله

والمثل يقول من أمن العقوبه أساء الأدب !!!!

وهذا اللي صاير في الخليج الأجنبي يسوي مصيبه تاخذه الحكومه وتسجنه

وتطبطب عليه وتعطيه تذكره وتسفره على حسابها يروح يزور جوازه ويرجع

وكأنه ماصار شي

الله يعطيك العفيه تحياتي لك

عفوا اخوي احب اقولك شي .. يمكن انت سهيت عنه

نحن في الامارات رقابتنا في هالمور شديده .. وقويه .. يعني عندنا من التكنولوجيا ما يكفينا ,, الحمد لله

يعني اذا سفروك مستحيل تقدر ترد مره ثانيه البلاد .. الا عن طريق البريمي عمان يعني .. بس الحينه حطو بينا وبين عمان نقطه تفتيش يعني فصلو بين العين وبين البريمي ..

هالمكان الوحيد اللي كانو يرومون يدشون منه الحينه سكروه .. انا اشوف اخوي ان

دولة الامارات ما فيها شي من التميز ..وانك لازم تزور عسب تعرف حقيقه الامر انا بنت

زايد واعرف بتيي وبتقول قالت بنت زايد ..صح بتشوف وايد وافدين بس ان الافضليه دائما للمواطنين فقط ..وانصحك تيي العين تراها روعه والله ..

اختك
بــــــــــنــــــــــــت دار زايـــــــــــــــــــــــــد الــــــــــــــــــــخــــــــــــيــــــــــــــ ـــر

ღ˚ ريـمـــي ˚ღ · 04-24-2008, 01:16 AM

صحيح كلامك بس مثل ماقالت بنت زايد مو كل مكان
عندك الاماكن اللي اكثرها سكان من الوافدين وغير جنسيتنا
يعني مكان تركزهم هو المكان اللي يسيطرون فيه
مثل عندنا جده والحجاز
وحتى الخبر الهندي اداري بالشركه
والسعودي عامل عنده .. بالله ابعرف
شو ناقص السعودي عن الهندي
او الامريكي او غيره ويقولن ليش البطاله
وهم السبب وين يشتغلون اولادنا وذولا
مسيطرين ع كل شي واللي قاهرني بالجامعة
الدكاتره اجانب مصريين وسورين وسودانيين
وغيره من هالجنسيات << ابعرف السعودين وش ناقصهم

الله يهديهم يارب بس