حدّني على الغياب " حادي الذنب " !
فعذراً ..
لكم جميعاً ..
تقبلوها كما هي
بسم الجليـل مسخّـر السنـدان لرياحـه دليـل
الـي يـرد النملـه بحلـك الـظـلام لبيتـهـا
الي تغني مـن بديـع اعجـازه انغـام الهديـل
الي نسـج فـوق الثـرا مـزنٍ يساقـي ميتهـا
ثـم السـلام وكـل عطـران التحايـا للخليـل
اللي جمع شمل العـرب يـومٍ طغـى تشتيتهـا
ثمّـن هلابـك ياولـد عمـي وحيّـاك الجليـل
اقلط ترى الدلـه علـى نـار القصيـد اركيتهـا
عندي امانـه ياولـد عمـي ولا غيـرك كفيـل
خابـرك ماتمـرح علـى مضجعـك لا سرّيتهـا
وانت التميمي والفخر كاسيك لـي حـد الشليـل
اللي يدينـك مـن ضلـوع المعتـدي عشيتهـا
شد الرساله ياولد عمّـي وخبـري بـك صميـل
خل النفس ضايـق علـى حرفـي ليـا شديتهـا
واركب على ذيك البتول اللي لهـا نحـرٍ طويـل
نحـر فتـن كـل الربـاع اللـي بهـا مريتهـا
وضحى وابوها مْن الفحول اللي تهيج بعـز ليـل
اللـي لعينـه كـم ذلـولٍ فـي الخـلا ذليتهـا
وانصى ديار مفككيـن الشبـك مزبـان الدخيـل
ناس علـى الفزعـه تشـد حبالهـا لارْخيتهـا
الشيخ فيهم لانتخى باخته تجيـه النـاس سيـل
نـاس سجاياهـم تفـوح بطهرهـا و بصيتهـا
نـاس تشـد رحالهـا يـم المنايـا مـا تميـل
تـارد علـى زمّ القبـور الصفـر لا مسيتـهـا
بلغ سلامي للشعـر واهلـه و بنـت السلسبيـل
اللـي تـرد بْـك التحيـه طــرق لا حييتـهـا
بنت الرجال الي تشوف بعينهـا بـرق الصقيـل
اللي لو انـك تقنـص الحـر الشـرود اخطيتهـا
مْعطرة طيب الشعر من ريح سمر وريـح هيـل
اللـي تشـد طروقهـا مسمـعـك لا طرّيتـهـا
فيها من اوصاف الحلى من عين صقر وعنق خيل
تقضي العمر عينـك علـى العينيـن مامليتهـا
شفت القصيد و هاجسي يتبعنـي وكنـي طليـل
واقدامـي لـدار الغضـي والله مـا رديتـهـا
مير الحظوظ و همّي الكـذّاب و فـراق الخليـل
جرّن علـى قلبـي جـروحٍ كايـده وازريتهـا
يا موت جب لي من طرف عذق النخل عود التليل
بكتـب بـه وصـاةٍ ثـلاث سنيـن ماخطيتهـا
لو تدري اخـواص النخـل ان النهايـه للزبيـل
ماشفتنـي يـومٍ علـى جذعانـهـا عزّيتـهـا
ولوّ السعف في حنيته يُحسب على الدنيا هزيـل
كان الظهـور القايمـه يامـوت مـا مريتهـا!
كنت ارقب حروفه على صفحاتها البيضا واشيل
فوق الربابه يا ولـد عمـي ياكـم جرّيتهـا
جزل المعاني والوزن ثقله على اوزان الخليـل
ثقـل الحمـول الكايـدات الكسـر لا شلّيتهـا
وانا من اللي لا طغى القصّادة بشعـرٍ جزيـل
روّضت بنـت افكـاري العـذرا ولا ضريتهـا
ياصل سلامي يا ولد عمي لهـا قبـل المقيـل
للنرجسيّـه والرسالـه بالـهـلا هلّيتـهـا
وان جيتني لا تمرح بظل الشجـر والا النخيـل
عجّل ترى القمرا على خشـم الجبـل لبّيتهـا
حافظك ربٍ سخّر السنـدان وعيونـك دليـل
يالي يدينك مـن ضلـوع المعتـدي عشيتهـا
.gif "لا يوجد رسائل - ღ♥ღ jgjC ღ♥ღ")
شد الرسالة،،،،،،،،،،،،،،،،
.gif "وين هالغيبه؟ وحشتييييييني - ˚乂ღسـ SaRa ـارهღ乂˚")
العرض العادي
