رفيقــي .. وإن بقت ذكرى ترى مردها النسيــان ....

بعد ماطوّل غيابــي أجيـك وخاطــري طربــــان ... أبي تسمع كلام اللي حشى مابه عذاريبي
أنـــا وإن كان ماتعرف مكانــي دايم الربّـــــــان ... على كيفي أسيّر مركبك بالغصب والطيبي
أنا وإن مال ميــزان الصداقـــة أعــدل الميــــزان ... أعــرف اللي علي دايم ولايحتاج تكذيبــي
وأنــا اللي ماعرفت تقــدّره يالصاحـب الخــــوّان ... ولنت بعارف(ن) قدره اليــن المــوت يدنيبـي
صبـــرت وقلت ياقلبــي تروى واترك الهجــــران ... تروى واتركه يعرف سبـب همـي وتعذيبــي
ولكنك غبــي فطــره ولاتعرف سـوى النكــــران ... ولاتعرف سوى تجحد وتكذب وانت تدريبــي
كلامـــك مالــه بقاموســـي لامـرجع ولاعنــــوان ... أبي تسمع وأبي تدري وأبي تعرف اساليبي
أنــا مانيب ملزوم(ن) أسايـــر هرجة الخبـــــــلان ... ولا شي(ن) مصبرني سوى بعض المواجيبـي
صحيــح إنــي معك موجود لكن قاطع الشريـــان ... تركته ينــزف ويدمي ولا اذوق اللـواهيبــي
واعيـش بدنيتــي مبسـوط لاضـايــق ولاتعبــــــان ... ولاصاحــب يخـون ويترك الحسـرات في جيبـي
رفيقــي .. وإن بقت ذكرى ترى مردها النسيــان ... ومردك تعرف تقـدّر وتفهم شوقــي وطيبـي
خلاص انسى .. وأنا بنسى .. ويالله فرح العدوان ... وليه انسى؟وأنا ناسي ولابه شوق ياتيبـي
هدمت الشـــوق في قلبي وصداقتنا بــلا عمـــدان ... وش اللــي انتظر منـك ووش ودك تسـوي بـي
ومـن يزعـل بــلا سبّه مصيــره يرجــع الزعــــلان ... مصير اللـي زعـــل يرجع ولايحتاج ترحيبـــي
وإذا تحسب رجوعـي شـوق لك ياصاحبي غلطان ... أنــا ردتنـي الدنيــا قبــل مــا أعيد ترتيبــي
وقبـل لانهــي كلامي لـك أنــا مثلك بعد إنسـان ... أصيــب واخطـي وانـدم وآخــذ من تجاريبــي
وباختمهــا بذكـــره خالـق الدنيــا عظيم الشـــان ... وبرفع كفي لوجهه وعسى دعواتي تصيبي
إلهـــي يا إلهـــي عبـدك المقهـــور يالمنــّـــــان ... إلهــي يا إلهــي شفت فالدنيا الأعاجيبــي
إلهــي يا إلهــــي شفـت بعيونـــي قهـر الإنسان ... إلهي يا إلهي صـارت الطيبـة سبب عيبـــي
إلهــي طالبــك يالواحـد الطاهـــر ويــالرحمـــــن ... تغفر ذنوبي اللي مرتكبهـا وانـت تدريبــي
وتسكني الجنان اللي بهــا زيــن البشـر ألــــوان ... وتعوضني عن اللي شفت من هم وتعاذيبي