يا قلبي المهموم

AL-jaree7 · 03-10-2008, 08:24 PM

تباريحك على جمر الغضى ياقلبي المهموم
ونبضاتك دموعٍ مرسله وتهلها عيني
تعبت وتعبت عيوني معااااك ولا هتنت بالنوم
موااااويل المواجع خلها مابينك وبيني
على مهلك بصدري لا تهزه وأرض بالمقسوم
على جور العيون ألّي تنام ولا تراعيني
من أول يوم أنا وياك.........أنا وياااك لآخر يوم
على الدرب الطويل ألّي جهلته ياموديني
نصحتك......قلت.......لا تحلم.......ترى بعض الحلوم حلوم
نهيتك.....قلت......ماتسلم......كسرت الشوك فيديني
سألتك.......قلت.......ماتعلم......بأن النصر للمظلوم
سجنتك......قلت.......تستسلم.......شكت منك شراييني
مدحتك......وأنت........تتبسم......بعيد من العتب واللوم
فهمتك......أنت.......ماتفهم.......رضيت أنك تخليني
لمحتك.......وأنت.......تترنم.......تغني للهوى المزعوم
سمعتك.......وأنت .......تتكلم.......هلا ياباقي سنيني
هلا بالطيب,,,, وأنفاس الغرام,,,,, وريحة اليشموم
هلا بلّي على بعد المسافه مانسيتيني
تأثرت بكلامك ((خفت)) لا يخذل عزيز القوم
وأعيد الكره ألّي قد مضت يومك تناديني
تذكرت الشوارع....... والظلام........ وطيرها المشأوم
على ذيك الغصون اليابسه والهم كاسيني
أخذت شوي__ وأصبحنا كلانا والأمل معدوم
صبرنا غصب__ والدنيا دروس وذا يكفيني
رضيت ومامعي حيله هو الحاكم وأنا المحكوم
تشيل الحمل ياقلبي ولاكنّك تعنيني
أحبك يابحر ((لكن)) أخاف وماأطيق العوم
تكفيني سواليفك على الشاطي وتغنيني
كذا يرضيك ياقلبي أطيح وماقدرت آقوم
وأنا ماني بحي الله بشر يومك تبكيني
بكاااا حتى القلم.......من رحمتي مافارق الأبهوم
نزف حرفي على صدر الورق علّه يسليني
سمعت علوم ياقلبي.........ومنّك ماسمعت علوم
ماغير دموعك ألّي سقتها وتهلها عيني
شكيت وماشكيت إلا عليه الواحد القيوم
وغير الله ضعيف ولو عطاني مابيشفيني
ألاهي طالبك تغفر لعبدٍ ماهو بمعصوم
ألاهي طهّر القلب الضعيف ولا تخليني

اتمنى ان القصيدة اعجبتكم واعطونا نقدكم وارائكم وسلامتكم

×!! غــلا جــوجــو !!× · 03-11-2008, 12:45 AM

الجريح

روووعه ماقدمتـــه

يعطيك العافيهـ

سـ šάяάђ ـآًَِره · 03-11-2008, 04:00 AM

أحبك يابحر ((لكن)) أخاف وماأطيق العوم
تكفيني سواليفك على الشاطي وتغنيني
كذا يرضيك ياقلبي أطيح وماقدرت آقوم
وأنا ماني بحي الله بشر يومك تبكيني

ابداااااااااااااااع

جبتها ع الجرح استاذي

صح الله لسانك ملايييين لاهنت لاهنت

لاترحمنا هذا الابداع دائما

دمت بود

جيمي · 03-15-2008, 02:09 PM

ولا اجمل من هالكلمات الله يعطيك الف عافيه
مشكووووووووووووور

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
جرحت قلبي	ღ♥ღ jgjC ღ♥ღ	كوفي نبض المشاعر	13	08-13-2008 02:30 AM
أتعبت قلبي	شقراوي	كوفي نبض المشاعر	2	03-09-2008 03:46 AM
استعمر قلبي !!	سـ šάяάђ ـآًَِره	كوفي الخواطر	4	12-15-2007 03:12 AM
من اعماق قلبي	سـ šάяάђ ـآًَِره	كوفي الخواطر	7	12-05-2007 11:07 PM
///.... انطفأت شمعة قلبي ....\\\	JIgoJI	كوفي الخواطر	2	11-21-2007 02:53 PM

يا قلبي المهموم

كوفي نبض المشاعر