تريّث ياصدى صوتي وخفف نبـرة الأحـزان
تعلّم من نزيف الجرح كيف اصبر على همـي
أنادي والسما غيمـة تثـور بداخلـي بركـان
ودفتر من قصيد الأمس على جال البحر مرمي
سكنتك بيت ياكبره وشكلّـت بسمـاك ألـوان
شربتك كاس بيديني وأثاري الكـاس منسمـي
دخيلك جامل الدمعه !! ترا مهما أكون أنسـان
مشاعر قلـب تحكينـي وأزود حبرهـا دمـي
كرهت البيت بغيابك ! كرهت الباب والجـدران
ليامن شفت لك صورة تنسينـي حنـان أمـي
بقايا عطرك بثوبك وعقد اللولـو والفستـان
وسلسالك ومكياجـك وطبعـة روجـك بفمـي
أبرحل وأترك الماضي وأجدد حاضر العنـوان
ابجمع من شتاتي قلب واسافر في بحر غمـي
تصور لو نساني الكون وصرت بعالم الحرمان
أناديلك .. واصوّت لك .. ولاحتى تلـدْ يمـي
أمانه لو جعلتيني مسافر فـي سمـا النسيـان
أمانه جاوبي صوتـي لجـل مايحتـرق دمـي
ابي لو ساعه من وقتك . أنا ماقلت أبيك ازمان
أبيك العاشق المغـرم علـى قلبـي ومهتمـي
أبيك تعيشني قصة ! بطل خاين وأنا الخـوان
أبي كل البشر تحكي وتتسابـق علـى ذمـي
على هونك ظلام الليل!! أشوف الليل ماقد حان
علامك تلوي ذراعي !! تبعثر فينـي وتلمـي
حرام تشوف دمعاتي وتنسى أني بقايا أنسـان
أحاول اجمع شتاتي وعجزت اليوم فـي لمـي
حبيبي لو تبيني ابعد واعانق دفتـر الكتمـان
تعال احضر عزا قلبي مادام الشـوف منعمـي
تصور مابقا فيني سوى باقـي رمـد بركـان
ودفتر من قصيد الأمس على جال البحر مرمي
.gif "يشتاق لك قلبي ولو كان ساهي وطيفك.. بفكري ماخاطه يوم نسيان.. اشتقت لك سوووووسااات مرررررررررررره - &!!مس كيوت!!&")
.gif "سارونتي .. انتبهي لنفسك ولاتتأخرين بنتظرك ( أحبــــــــــــك ) - ღ˚ ريـمـــي ˚ღ")
دخيلك جامل الدمعه ترى مهما اكون انسان !؟
.gif)
}..~
.gif "باسكن يمييييي ^_* - ღ˚ ريـ و ــف ˚ღ")
رد: دخيلك جامل الدمعه ترى مهما اكون انسان !؟
