يهمنـي حيـل ... وأدري فيـنـي اهـمّـه..حتى اسألي روجـي الـوردي ... وفـستانـي

||× مفآهيم الخجل ×|| · 12-04-2007, 02:54 AM

يمّه عليه إن زعـل ... واذا رضـى يمـــّه
يمّـه ذبحنـي غـلاه ... وشـــــلّ وجـدانـــي..

يمّـه غرامـه طريـقـي ... ولازم اتــــمّـــه
شيٍ مـن الله علـى غفلـة تغَّشَـــانـي ...!!..

اشهق على ضحكته واشفـق علـى ضمّـه
واموت منه إن جفى ... وإن جاني احيانـي..

إن كان درب الشقـى يمــــر مـن يمّـه ...!!
والله لكـمّـل شـقـاه " إن الله احـيــــــانـي "..

اقـول ياســـــــيـدي ... ويقـول ياعمّــــة ...!
كـلٍ ذبحـه الولــــه فـي عشـقـة الثــــــانـي..

اشتـاق طعـم الغديـر اللـي وســـــــــط فـمّـه
مقـدر اخبّـي عليـه ... اكتــــــــــب ويقرانـي..

قمـت اشتكـي للغـلا ... واصيــــــح واخمّـه
ياشيـن بلـــــــوى الهـوى ... الله لا يبلا ني..

يقـول لـي بالهـوى مذهـب ولــــــــــــي ذمّـة
واقـول بصـرك ... ولـكـن لا تعـــــــــــدانـي..

ابـي طريـقـك يصـيـر لوجهـتـــــــــــي يِـمَّـة
ومنيـن يممـت وجهـك غـصـب تلقـــــــانـي..

يزمنـي بالهـوى ... زمـّـة ورى زمـّـــــــة
قطّـع وريـدة وحاطـه وسـط شريــــــــــانـي ..

مبطي اذا خفـت صحـت وقلـت " يايمّــــه "
والحين اذا خفت صحت وقلت " ياحصانـي "..

لا واهني من قـرب منـه ... ومـن ـشمّـــــه
ماكـن ربـي خلقـه الا علـى شـــــــانـي ...!!..

جيتـه وكلـي مــن الاشــواق ملتـــــــــــــمّـة
امشي من الصبح ليـن ان عشقـه امسانـي..

ياحلو لوعـة شقـاه ... ويـا حلـــــــو سمّـه
والله ياهـو بالهـوى " مـن جـد ورانــــي " ..

ادمـى عيونـي ... وحنـى يدينــــــــي بدمّـه
وعلـى طريـق الولـه اقـفــــــــى وخـلانـي..

يمّه احبّه ... فديـت ابـوه قبــــــل امّـه ...!
يهزنـي هـز ريـح ... وزلـزل اركــــــــــانـي..

وش فيه اذا البنت تعشق...؟! .. الهوى قمّة
خلينـي اعشـق قبـل مـا تابـس اغــــــصانـي..

يهمنـي حيـل ... وادري فيـنـي اهـــــــــــــمّـه
حتى اسألي روجـي الـوردي ... وفــــستانـي ..

JIgoJI · 12-04-2007, 03:04 AM

M!ss EtikAte

صح لسان قائلها

احسنتي الاختيار

قصيده رائعه

تحياتي
الموال

||× مفآهيم الخجل ×|| · 12-04-2007, 07:24 AM

صباااااح الخير موال

الله يعطيك الف عافيه على مرورك العذب

دمت بووود

ღ˚ ريـمـــي ˚ღ · 12-04-2007, 12:13 PM

روووووووووووووووووووعه
وش هالذوق وش هالاحساس<<<ماخبرتك ذويقه

امزح يادوبه بس عن جد كلمات في غاية الروووعه
مشكوووره حبيبتي يعطيك العافيه يالغاااليه

تحيااتي
بنت اختك المصون

ღ♥ღ jgjC ღ♥ღ · 12-04-2007, 02:17 PM

صح لسان شاعرها
وتسلم يمينك ع الأختيار الرائع يا مس ايتيكيت

لكيـ تقديريـ

||× مفآهيم الخجل ×|| · 12-04-2007, 11:55 PM

هلا وغلا ام طلووو

فدييييييييييت هالطله الذوووووق

اسعدني كثير ان القصيده اعجبتك ياذويقه

الله يعطيك الف عافيه حبيبتي

دمتي بالف خير

||× مفآهيم الخجل ×|| · 12-04-2007, 11:56 PM

هلااااااا بامير الكلمه

تسلم لي هالطله المنوره

الله يعطيك الف عافيه

دمت بووود

يهمنـي حيـل ... وأدري فيـنـي اهـمّـه..حتى اسألي روجـي الـوردي ... وفـستانـي

كوفي نبض المشاعر